Влатко Стефановски Трио го отвора 15-то издание на Локум фест-музика и традиција 2021

Ни претставува огромно задоволство да го најавиме 15-то јубилејно издание на Балканскиот етно-фјужн фестивал
„Локум фест-музика и традиција“ 2021.

Изминаа четиринаесет години во упорно туркање на еден сон , честопати под стрес и секакви ситуации , за да на крајот од секоја фестивалска вечер или фестивалско издание остануваше само ќефот, пријателствата  и нови идеи за изведувачи кои ќе настапат идната година. Да истерате културен фестивал петнаесет години е подвиг и градење на цврсти одредници, како професионално така и приватно.

Фестивалот кој својот зародиш го има во старата битолска чаршија, место на вечна инспирација на генерации во сега далечната 2007, како синоним на „средба“, на културите кои битисувале во вековите пред нас, успеа да опстане, созрее и израсне во сериозен фестивал.

Во изминатите четиринаесет години на Локум фест настапиле преку седумдесет групи и ансамбли од Македонија,  и преку дваесет земји од регионот, Европа и светот. На Локум фест настапиле изведувачи од : Египет, Индија, Кина, Норевешка, Данска , Шведска, Исланд, Унгарија, Полска, Германија, Хрватска, Словенија, Србија, Албанија, Бугарија, Бразил, итн. Ги препознаваме и паметиме настапите на : Љубојна, Баклава, Чалгија саунд систем, Тони Китановски и черкези, Кочани оркестар, Сваровски бенд, Јаков Дренковски, Виолета Томовска , Зоран Џорлев, Вања Лазарова , Вевки Амедов, Ибрахим Џенгис и многу други.

Локум фест е единствениот културен фестивал кој ја следи традицијата и го  акцентира културното наследство и културниот туризам, преку изложби на ракотворби во соработка со ЗУР Македонски ракотворби и изложбата на семејни раритети  „Раскажи ја својата приказна“ во која партиципираат самите граѓани.

Поддршката која ја добиваме од Министерството за култура и Општина Битола е клучнa во опстојување на фестивалот. 

Оваа година Ви го преставуваме петанесетото јубилејн издание на Локум фест, со програма достоинствена за ваков јубилеј, едновремено најавувајќи го новиот концепт на фестивалот.

Ве покануваме на трите фестивалски  вечери.

22.07.2021 Антички театар -Хераклеа Линкестис 21.00 ч.  

„Влатко Стефановски трио“

купете влезници on line на Влатко Стефановски трио/карти

400 ден. предпродажба.

23.07.2021 НУ-Музеј-Пацио 21.00 ч.

Концерт „ Драган и Ратко  Даутовски дуо“

„Апокалиптикум“

купете влезници on line на Драган Даутовски дуо

цена 300. ден


24.07 Широк сокак & Безистен, Стара чаршија на неколкун локации

„Распеана чаршија“


Поддржано од Министерство за култура на Р.Северна Македонија и Општина Битола

In Archive